671. Schueberfouer

vum 19. August bis 7. September 2011

D'Schueberfouer, d'Kiermes vun der Stad Lëtzebuerg, ass dat gréisste Volleksfest vum Land an der Groussregioun, an zitt all Joër iwwer 2 Millioune Visiteuren op déi 4 Hektar vum Glacis matten an der Haaptstad wou ronn 3,5 Kilometer Stänn a Spiller opgebaut sinn.

Et wor de Jang de Blannen deen't Institutioun Schueberfouer 1340 als Joermaart an't Liewe geruff huet. Am Laf vun der Zäit huet sech de Joermaart ëmmer méi zu engem Volleksfest gewandelt, mä dat ouni säi kulturellen Urspronk opzeginn.

En an Europa eenzegaartege Mix vun 200 Attraktiounen, dovun 25 grouss Spiller, iwwer 12 Kannerattraktiounen, eng Dozen Restauranten, eng Abberzuel vun Buvetten an Take-Outen, Confiserien, Lotterien, Schéissbuden, Intefëschen, bal 100 Stänn an der Scheffer Allée, an Forain' aus iwwer 6 verschiddenen Natiounen maachen aus der Schueberfouer e Volleksfest am Sënn vum Wuert, wou sech en duerchmechten an internationale Publikum begéint, ësst, drénkt, a sech ameséiert. Et ass dëse familiären a gemittleche Charakter deen deen eenzegaartege Ruff vun eiser "Fouer" ausmécht.

Kommt och Dir Iech améséieren, sief et op den traditionelle Geschäfter wéi dem méi wéi honnertjährege Päerdskarussell, den onverzichtbare Knuppautoen, kappiwwer an enger vun den neiste Sensatiounsmachinen, oder beim Genéisse vun den typesch Lëtzebuerger Gromperkichelcher, dem gebaken Fësch oder de faméisen Eisekuche mat Schlagsahn an Äerdbieren, dat Ganzt tëscht enger Ronn Lousen an engem Kaméilrennen. Merci datt Dir nëtt fëmmt.

Op dëse Saiten fannt Dir all Informatiounen zur Schueberfouer.

Weider Informatioune fannt Dier och um Internetsite www.funfair.lu.