Wéi all Joer sou fänkt mam Enn vun der Summervakanz déi traditionell Schueberfouer un. Si verwandelt vun Enn August bis Ufank September de Glacis an der Stad Lëtzebuerg an eng riseg Erliefneswelt mat Karusseller, Restaurant'n, Kreemechersstänn, Confiserien, etc. fir déi ganz Famill.

Matt 2 Millioune Visiteuren all Joer ass't Kiermes vun der Stad Lëtzebuerg eng vun deene wichtegste Veranstaltungen an Europa!

Dauer

D'Editioun 2011 - Joergang 671 - fänkt de Freideg 19. August (viru Bartelméisdag) un an dauert bis e Mëttwoch 7. September inklusiv.
Et ass all Dag op vun 12h00 bis 1h00 mueres, Freides- a Samstesowes bis 2h00 (nuit blanche).

Forain'

Op dem Glacis sinn 183 Forainsbetriber an 90 Kreemerchersstänn (Allée Scheffer) vertrueden.

Nationalitéite vun de Forain' 2011: Lëtzebuerger: 38 % Fransousen : 35 % Belsch: 16 % Daitsch : 9 % Hollänner: 1,5 % Eistraicher: 0,5 % Attraktiounen: Variété, Kino, Glaslabyrinth, Luna Park : 10 Buvette, Snack, Restaurant : 48 Confiserien, Séisswueren, Stänn matt Glacen : 27 Kannergeschäfter : 23 Groussgeschäfter : 27 Loterien, Spiller, Aanerer : 48 Neiheeten: Big Rollercoaster Crazy Dance Looping the loop Thriller Twister Maxi Jump XXL Och nei: Bingo Shoot, Casse Boîtes, Coupe Coupe, Gun, De Béierkinnek, Den Hollänner, Curry Wurst Spezial, Hollywood Pictures an Am Stall. Comeback'n: Bayernkurve Happy Sailor Rotor Spinning Racer X-treme Méi Informatiounen zu den Attraktioune vun der Schueberfouer 2011, mat Biller, ginn et an der Rubrik « Attraktiounen ».

Offiziell Ouverture

Déi 671st Schueberfouer gëtt en Freiden 19. August um 17 Auer vum Buergermeeschter Paul Helminger offiziell opgemaach andeems hien't Trikolorband duerchschneit. Musekalech begleet gëtt' Ouverture duerch d' Harmonie Municipale Luxembourg & Limpertsberg déi, zesumme mat de gerëschten Hammel den Eihrecortège uféiert.

Um 18 Auer luedt de Schäfferot seng Gäscht an den « Restaurant Kugener » zum traditionellen « Ham a Kuch » an. Hei ginn Usprooche vum Buergermeeschter Paul Helminger, dem Här Janny De Vries, Président vum Comité international des festivités de la Schueberfouer 2011 an dem Här Roger Pelzer, Président vun der Association Européenne des Commerçants-Forains asbl gehalen.

Aktioun "Verluere Kanner - Schueberfouer"

D'Police hëlleft nees verluere Kanner mat hiren Elteren zesummen ze bréngen, an dat all Dag.

• Kanner, a Begleedung vun hiren Elteren, sollen sech um Policeposten an der Haaptentrée vun der Schueberfouer mellen. Hei kréien si en Badge.
• Léit, déi en verluerent Kand fannen kennen d'Telefonsnummer déi um Badge steet uruffen
• D'Police kennt dann d'Kand esou schnell wéi méiglech sichen an bréngt et zréck op den Policeposten éier si d'Elteren urifft.

Portal um Rond-Point Schuman

D'Entréesportal vun 18 x 18 Meter mat Luuchteffekter ass 2007 vun engem Grupp vun Artisten, ënnert der Leedung vum Rik Van Kerchove erstallt ginn a gëtt bis 2012 benotzt. Ennerhalt- a Fléckaarbechte ginn no dem Opbau gemat.

Déi Firma déi mam Opbau vum Portal beoptragt ginn ass, huet Experienz an deem Domaine an ass responsabel datt' Struktur de gëldege Sécherheetsnormen entsprécht.

Informatiounsécran

Op Gronn vum grousse Succès vun deene leschte Joere gëtt och dëst Joer nees een Informatiounsécran bei der Haaptentrée opgestallt. Hei kennen't Visiteuren all néideg Informatiounen zur Schueberfouer oofliesen.

Publicitéit

D' Affiche zur 671ster Schueberfouer ass vum Anne Mélan aus der Stad erstallt ginn.

800 Affichë sinn zu Lëtzebuerg an am Ausland verdeelt ginn.

Donieft sinn 30.000 Flyer mat Informatiounen zum P&R, zu den Bushorairen, dem Programm, an 1.000 Exemplairë vun der verklengerter Affiche gedréckt ginn. Distributioun gëtt vum Luxembourg City Tourist Office, dem Office National du Tourisme, verschiddene syndicats d'initiatives, der a.s.b.l. "Stemm vun der Strooss", de Forain' an dem Office des fêtes, foires et marchés vun der Stad Lëtzebuerg iwwerholl.

> « Informatiounsflyer » am PDF Format

250 verklengert Affichë mat nëtzlechen Informatiounen zum ëffentlechen Transport ginn an de Bussen an op den Arrêt'n verdeelt.

En plus zur Publicitéit duerch't Stad Lëtzebuerg organiséiert de Comité international des festivités vun der Schueberfouer Radio- an Televisiounsreklammen a Gewënnspiller.

Guichet unique

Am Sënn vun enger Vereinfachung vun den administrativen Demarchen hunn t' Association Européenne des Commerçants-Forains, d' Confédération luxembourgeoise du commerce an't Stad Lëtzebuerg den guichet unique agefouert. Hei kréien't Forain' op enger eenzeger Plaatz all néideg Informatiounen zum Aarbechtsrecht, Assurancen, Sécherheet a Gesondheet op der Aarbecht.

Accès an Parken

Informatiounen dozou wéi Dir am Beschten op't Schueberfouer kommt fannt Dir an eiser « Accès a Verkéier » - Rubrik.

Fräi Nuechten

6 fräi Nuechten (bis 2 Auer) sinn fir't Schueberfouer 2011 autoriséiert, an dat all Freiden a Samschden.

Programm

De komplette Programm vun der Schueberfouer kennt Dier an der Rubrik « Programm an Ouvertureszaiten » duerchliesen.

Gastronomie

De Verkaf an't Qualitéit vun de Liewensmëttel op der Schueberfouer gi regelméisseg duerch Fonctionnairë vun der Inspection Sanitaire an der Spezialpolice kontrolléiert.

Gas

D'Stad Lëtzebuerg huet 2007 en komplett neit Flesseggassystem mat Zentraltank a Betrib geholl. De Konzept ass an enker Zesummenaarbecht mat dem städtesche Gasservice, der Inspection du Travail et des Mines, Luxcontrol SA a Chauffage Moderne SA erschafft gin. Sou gouf kee Sécherheetsaspekt vernoléissegt. Den neie System huet seng Prouf bei der Octave an der Schueberfouer zënter 2007 gemat.

D'Kontroll vun der Gasinstallatioun gëtt duerch de Gasservice vun der Stad Lëtzebuerg duerchgefouert.

Sécherheet

D'Stad Lëtzebuerg huet en Contract mat enger zougeloossener Kontrollfirma ofgeschloss wat' Kontroll vun de Geschäfter, Stänn, de Gastronomiebetriber an den städteschen Infrastrukturen (Portal, Container, Elektro- a Waasserschief) betrëfft.

Eng ofschléissend Inspektioun vun der commission des fêtes ass fir den 18. August virgesinn.

Eng Sécherheetsfirma ass duerch eng Ausschreiwung mat dem Gardienage vum Site beoptragt ginn.

Fir't Gesetzgebung zum Thema Sécherheet an Hygiène op der Aarbecht op einfach a verständlech Art a Weis ze erklären ass en « guide des bonnes pratiques » op franséisch an däitsch un all't Forain' verdeelt ginn. Dëst Dokument ass vun der Stad Lëtzebuerg, der Inspection du Travail et des Mines, dem Gesondheetsministère an der Police erschafft ginn.